Fantastisk skyting av Malvin

På søndag skaut Malvin Røssland Larsen finale i Westcon cup. Der klinka han til med fantastiske 350 poeng. Med det resultatet vann den unge karen frå Husnes klasse eldre rekrutt (ER) og kom vidare til superfinale i liggjande. Der fekk han 106,8 poeng, og enda dermed på 3. plass totalt.

– Viss vi plussar på superfinalen, skaut eg totalt 450 med 30* totalt (= innertiarar). Eg er strålande fornøgd, og endeleg fekk eg det til, seier han i ei pressemelding frå Kvinnherad Skyttarlag.

Kvinnherad Skyttarlag gratulerer med flott skyting.

– Kvinnherad Skyttarlag er superstolt av den flotte guten han er, som trenar og trenar og gjer det så bra. Han er ein så fin representant for skyttarlaget vårt, slår klubben fast.