Endeleg skal Johnny leika fotball mot dei beste

Johnny Furdal herja då Viking slo Kongsvinger 2-1 føre ein fullsett SR-Bank Arena.

Med det er dei mørkeblå tilbake i det gode selskap neste sesong, mykje takk vera sommarsigneringa av Johnny Furdal.

Omvikdelingen har levert mål og målgjevande på løypande band denne sesongen, og skjebnekampen kampen mot Kongsvinger vart ikkje eit unntak

Herja

Midtbaneeleganten fekk æra av å setja fyr på Stavanger-publikummet då han kontrollert sendte heimelaget i leiinga i det 21. minutt. Men Viking-keeper Iven Austbø sørga for spenning då han på mirakuløst vis rota ballen mellom beina ti minutt seinare. KIL-spiss Lalle Ibrahim fekk med det ein enkel jobb med å setta inn 1-1 på ope mål. Eit resultat som stod seg til pause.

Og då stadionspeakeren i det 60. minutt kunne fortelja at både Aalesund og Mjøndalen leia sine oppgjer mot høvesvis Strømmen og Florø, måtte Viking ha mål for å sikra opprykket.

Då er det greitt å ha spelarane med flest mål og flest målgjevande i Obos-ligaen samtidig. Assistkongen Johnny Furdal fann toppscorar Tommy Høiland i det 78. minutt, sistnemnte banka til og sendte stadion til himmels.

Gleda tidlegare lagkameratar

Fem minutt før slutt fjerna Zymer Byttqi all spenning då han sette inn Viking sitt tredje for dagen.

Med det skal Johnny Furdal spela i Eliteserien neste sesong.

Det er òg verdt å nemna at Viking sin 3-1-siger over Kongsvinger sendte Johnny sine tidlegare lagkameratar i Nest-Sotra opp på kvalifiseringsplass.