Enda på 2. plass
Sesongen slutta med to dramatiske kampar som begge enda 4-3. Rosendal sitt J19-lag hamna dermed på 2. plass i serien.
Publisert
Sist oppdatert
Som Grenda har skrive om tidlegare, har Rosendal sitt jenter19-lag kjempa om krinsmeisterskapen i Hordaland. Finalespelet i haust baud på seks kampar i alt, der kvittrøyene vann alle tre på heimebane, medan laget utanfor Kvinnherad sine grenser noterte éin siger, éin uavgjort og eitt tap. Tapet kom mot Trott/Solid/Stord, og vart på stygge 7-0.
Det var stordingane som til slutt kunne smykka seg med tittelen krinsmeister. Laget sikra seg 15 av 18 mogleg poeng. Men Rosendal bør vera strålande nøgde med ein sterk 2. plass og 13 poeng.
Annonse
Avgjersla falt då Trott/Solid/Stord den 9. november vann 4-3 heime mot Voss. Stillinga var uavgjort 3-3 til det 82. minutt. Den aller siste kampen vart spela torsdag 14. november mellom Kvernbit og Voss. Hadde vertane vunne, ville dei blitt nummer to. I staden sigra vossingane med 4-3.
