Champions League-poeng for Tina
Returen til den mest prestisjetunge klubbturneringa i handball starta på godt vis for Tina Abdulla og Storhamar.
Publisert
Heimekampen mot franske Metz søndag ettermiddag vart ein jamn batalje, men Tina & co. låg under med 14-12 til halvtid. Metz, som var i semifinalen i turneringa i vår, var oppe i 17-13-leiing i andre omgang, men Storhamar åt seg innpå, og var nær ved å sikra seg begge poenga. Gultrøyene leia mellom anna 26-24 med åtte minutt att av kampen.
Storhamar fekk ros av bortetrenaren etter poengdelinga.
Annonse
– Me er så klart skuffa over at me ikkje vann, men vi gjorde alt me kunne i den første kampen i Champions League. Me visste før kampen at Storhamar er eit sterkt lag. Dei slo Vipers for ei veke sidan, og vann også EHF-cupen [i vår], så me visste denne kampen ikkje ville bli lett, sa Metz-trener Emmanuel Mayonnade til Storhamar si heimeside etter kampen.
Tina Abdulla scora eitt mål.
