Celina kjempa om sigeren
Celina Enes-Seberg er ein av få kvinnheringar som har kjempa om sigeren i nasjonale renn i Holmenkollen. Omvikdalen-talentet imponerte stort då ho var med og kjempa om topplass i Ungdommens Holmenkollrenn.
Det var på tre kilometer fristil at Celina var med i sigerskampen, i landets største langrenn for 13- og 14-åringer. Sjuandeklassingen heldt stor fart frå start til mål, og gjekk inn til femte beste tid. Det var berre 21 sekunder opp til Maja Eriksen frå Lommedalen som vann. Med 13 sekunder betre sluttid så hadde det blitt pallplassering på Celina.
Ho var veldig godt fornøgd med løpet.
Annonse
– Eg syns det fungerte bra. Det er kjekt å sjå at eg er så nær dei beste i landet, sa Celina som blir tenåring i september.
Den framgangsrike løparen har heilt sidan ho på vårparten starta oppkøyringa til denne sesongen, hatt Ungdommens Holmenkollrenn i tankane. Det er det største og mest prestisjefylte arrangementet for denne aldersgruppa.
I toppen begge dagane
Celina Enes-Seberg er den beste løparen i sin årsklasse i Hordaland. Det er ingen i 13-årsklassen i skikretsen som er i stand til å halda følgje verken i klassisk eller skøyting. Derfor konkurrerer hun mykje i andre kretsar og fylke, kor det er fleire som er like gamle som går fort. Celina var tilfreds med at ho hadde så mykje å gje mot slutten i søndagens fristilrenn.
Annonse
– Eg fekk oppløftande sekunderingar gjennom hele rennet, og spesielt på den siste kilometeren, sa ho som også kapra ein femteplass i det klassiske rennet.
Det trass i at Celina ikkje er like trygg på klassisk som skøyteteknikken. I vinter har det vore brukbare snøforhold både i Kvinnherad og Korlevoll, kor familiens to yngste langrennsløparar også trener ein god del.
Det tar ikkje «meir» enn tre kvarter å køyra dit, og for å få variasjon så legg dei ein del av treningsøktene til det anlegget.
Julian har fått opp farten
Det er ikkje berre Celina av tvillingane som held stor fart i langrennssporet om dagen. Julian følgde opp den flotte innsatsen til tvillingsøster Celina. Sjølv om han ikkje var kapabel til å kjempe så høgt opp på resultatlista som ho, så leverte han til liks med treningsvenninna to solide løp. 36.plassen i søndagens fristilrenn var ei ny stadfesting på at også Julian har eit høgt toppnivå, og ikkje minst er i stand til å utfordre dei aller beste i landet når det klaffar. Det gjorde det på tre kilometer skøyting.
– Eg føler at eg trefte bra i dei harde løypene, sa Julian som etter kvart byrjar å bli godt kjent i løypenettet i Holmenkollen.
Annonse
Det er ein grunn til at løypene der er harde. For det er både tøffe motbakkar og utforkøyringar. Kuperte svingar er det også som tvillingane skal handtera når de konkurrerer der.
