Blir sportssjef for Brann-damene

43-åringen har ein lang karriere bak seg innan, seinast som ein del av Europatoppen, eit satsingsprosjekt mellom Norges Fotballforbund, Toppfotball Kvinner og Norsk Toppfotball.

I den jobben har fokuset på norsk kvinnefotball vore like framtredande som herrefotball, og Myklebust har referansane som trengs for å vera sportssjef for Brann-damene, som i påsken spelte kvartfinale i Champions League mot Barcelona.

Han har snart hatt fotball som heiltidsjobb i ti år, med BX Brussel i Belgia, Sandnes Ulf, Dubai og Viking i Stavanger som arbeidsstader.

Spelarkarrieren til Myklebust er rikhaldig, og inkluderer storklubbar som Rosendal, Trio og Uskedalen, i tillegg til blant anna 2. divisjonsspel for Norheimsund og Brann. Trenarkarrieren spenner over hovudansvar for Åsane damer i tillegg til dei nemnde lokale storklubbane.

Det har førebels ikkje lukkast Grenda å få Myklebust i tale om den nye jobben.