Berre ni poeng skil dei fire beste
Det er uhyre jamt blant dei beste i Grenda sin Fantasy-liga. Etter påskerunden skil det berre ni poeng frå 1. til 4. plass.
Publisert
Sist oppdatert
Bjarte Keilen og hans «Bjartolini FC» tronar framleis øvst på tabellen med sine 2011 poeng. Men med 57 poeng inn i løpet av påsken, tok dei tre utfordrarane bak innpå i løpet av den siste runden.
Bernt Bjørsvik, som ligg på ein solid 2. plass, fekk 60 poeng, og held med det så vidt på sin sølvposisjon. Øyvind Bjørnevik frå Halsnøy fekk 68 poeng, og ligg no berre sju poeng bak Keilen.
Annonse
Medan Arild Gjertsen hausta inn heile 74 poeng i påsken, og klatra med det heilt opp i ryggen på Bjørnevik, Bjørsvik og Keilen. Han har nemleg berre ni fattige poeng opp til Bjarte på første plass.
Theodor på topp
Sjølv om 74 poeng var nok til å vera best av dei beste, var det ikkje i nærleiken av nok til å bli rundevinnar blant Grenda sine 338 Fantasy-spelarar. Det var det Theodor Enes og hans «COYS» som vart med heile 87 poeng.
Ein såpass stor sum at Theodor også kunne jubla for å vera verdas 4030. beste Fantasy-manager i den 30. serierunden.
Topp 10 Grenda-ligaen
| 1. Bjartolini FC - Bjarte Keilen | 2011 poeng |
| 2. Lykke & Fromme - Bernt Bjørsvik | 2006 poeng |
| 3. Bamsebukt XI - Øyvind Bjørnevik | 2004 poeng |
| 4. AC Arildonieri - Arild Gjertsen | 2002 poeng |
| 5. Stian-Flax - Stian Vika | 1991 poeng |
| 6. Kaldestad Spurs - Håkon Haga | 1989 poeng |
| 7. Ballesnerk FC - Odd Henning Saghaug | 1988 poeng |
| 8. Swing Kings - Jostein Arnesen | 1981 poeng |
| 9. Los Guerreros - Daniel Øvstebø | 1970 poeng |
| 10. Kompani Olsen - Romar Skeie Olsen | 1963 poeng |
