Avslutta med stortap
Rosendal sitt damelag fekk likevel spela éin kamp til. Den enda med stortap.
Publisert
Sist oppdatert
Tidlegare i sesongen vart Rosendal sin bortekamp mot Os 2/Nore Neset avlyst fordi vertane ikkje greidde å finna ledig bane grunna eit cuparrangement. Men laga vart samde om å prøva igjen, og det skjedde onsdag kveld. Då tok Rosendal turen til Kuventræ kunstgras. Men det var nok kjekkare å reisa dit enn heim igjen, for på returen hadde gjestene eit 8-0-tap i bagasjen.
Allereie ved pause stod det 5-0. Tre av måla stod stortalentet Tina Skogedal for. Ho netta to gonger også etter pause. Skogedal har i alt spela sju kampar for 2. laget til Os og scora 34 mål. I tillegg har ho 10 mål for fyrstelaget.
Annonse
– Vi møter eit lett ombygd 3. divisjonslag. Dei har nokre enkeltspelarar som er eit på eit kjempehøgt nivå, og som er nesten fasinerande å sjå på, seier Rosendal-trenar Håvard Sætrevik.
Årets spelar
Han er ærleg på at laget hans var sjanselause.
– Vi starta i 4-4-2 for å prøva å vinna kampen, og då blir vi litt for opne. Vi la difor om til 4-5-1 etter ein halvtime, opplyser Sætrevik.
Annonse
Dermed er sesongen over for damelaget, som også neste år skal spela i 5. divisjon. Også alle andre A-lag i Kvinnherad har no avslutta 2024-sesongen. Grenda kjem difor snart attende med kåring av årets spelar og oversikt over toppscorarane.
Os 2/ Nore Neset – Rosendal 8-0 (5-0)
Rosendal 4-4-2
Jenny Håvik Ljones, GGG
Maren Skåla Seglem
Thea Lycke Sundal
Annonse
Celine Musland, G
Klara Bartlett Enes Mehl
Ingeborg Solberg Flatebø
Emilie Sandvik Aaseth
Inghild Christensen Sætrevik
Elena Oline Jensen Eide
Annonse
Emma Øen Klette
Frøya Sverresdotter Hatteberg
Innb. Siri Lorentzen-Furdal, Synne Sørensen Såtendal, Jhalaica Muit, Jenny Solberg Flatebø, GG
