Avslutningsfest for skyteskulen

Skyteskulen føregjekk fyrst over fem kveldar, med teori og skyting kvar gong. Den 6. kvelden var det avslutning. Då skaut elevane fyrst, så fekk dei føresette prøva seg, medan elevane viste og forklarte «sine» kva dei har lært og korleis det skal gjerast.

– Etterpå avslutta vi med pizza og utdeling av diplom for utført skyteskule, opplyser Synneva Seim, leiar i Kvinnherad skyttarlag.

I år var det i alt 12 elevar på det aktive laget sin skule.

Det kan elles leggjast til at denne veka arrangerer Kvinnherad skyttarlag stemnet Rosendalsminiatyren på skyttarhuset på Seimsfoss, frå måndag til og med laurdag.