92 med i løpsfest rundt Avlsgarden
Distansar frå 270 til 5000 meter stod på løpsskjemaet då Baroniløpet gjekk av stabelen søndag.
Publisert
Sist oppdatert
Den store løpsfesten til Rosendal Turnlag, avvikla i strålande vårvêr søndag, baud på nokre nye distansar i år. For første gong vart 13- og 14-åringane testa i éi engelsk mil, og seniorane skulle bryna seg på 5000 meter.
Størst var deltakinga i den yngste klasse, 270 meter utan tidtaking. Heile femti jenter og gutar opp til ni år stilte på startstreken der, og sprang av hjartans lyst.
Annonse
I konkurranseklassane var det fleire kvikke bein med. Nomi Såtendal tok 450 meteren på 1,24,5, som faktisk var raskare enn Tomas Hjortland som var raskste gut på distansen med 1.30.3.
Ei engelsk mil på 1609 meter var også målt opp for første gong i Baroniløp-samanheng, med Cecilie Sundal Utne (6,22,6) som raskaste løpar.
Seniorklassen vart vunne av Christian Lothe Hitland på 16,55,8, som var ti sekund raskare enn Johannes Heien på 5000-meteren. Bente Hellevik var raskaste kvinne i fellesstarten, ein konkurranse der varaordførar Thea Vaage deltok og demonstrerte at Kvinnherad har ein spreke politikarar i sving.
