9. plass i J19-NM

Å hamna i ei tøff pulje er sjeldan ideelt om ein har tenkt å gå heile vegen i ei turnering. Det fekk 19-årslaget til Strand-Ulv erfara då startserven gjekk for NM i Ålesund i helga. Det opna med ein tett kamp mot Randaberg, som Strand-Ulv reid heim til 2-0-siger. Det vart etterfølgd av tap i tie break for Rival i andre puljekampen, og jentene måtte gjennom 1/16-finale for å halda liv i ambisjonane.

I 1/8-finalen møtte dei storklubben Koll, som mellom anna vann NM for seniorar i januar med valejenta Christine Skogseth Bjørsvik i troppen. Oslo-laget vart for sterke, og vann 2-0, men settsifra taler sitt tydelege språk. 25-22 og 27-25 viser at Strand-Ulv var nær ein kvartfinale. Koll skulle gå heile vegen til finalen, medan Strand-Ulv vann resten av sine kampar, og enda på niandeplass i J19-NM.

Av dei 12 som deltok i NM no, er det berre ei jente som er for gamal til å vera med på J17-NM etter påske. Lilli Tuften Aksnes-Øystese fekk plass på All Star-laget som libero. Hatlestrendingen Fredrik Nistad var med på å ta sølv i G19-klassen for bergensklubben Viking.

Strand-Ulv:

Lilli Aksnes-Øystese

Henriette Næss Våge

Silje Vik

Solvår Skjelnes

Lone Sofi Silke

Mari Fagerlid

Maren Næss Våge

Iselin Nilsen

Mariell Solberg

Emma Rødal

Ronja Kirketeig

Fride Sofie Milde

Trenarar: Ole Femsteinevik, Kim Røssland

Puljespel:

Strand-Ulv - Randaberg 2-0 (25-18, 28-26)

Rival - Strand-Ulv 2-1 (25-11, 19-25, 15-10)

Sluttspel:

1/16: Strand-Ulv – Kvernbit 2-0 (25-10, 25-4)

1/8: Koll - Strand-Ulv 2-0 (25-22, 27-25)

Plasseringsspel 9-16

Viking - Strand-Ulv 0-2 (10-25, 17-25)

9-12: Strand-Ulv - Blindheim Volley (2-0 (25-15, 25-11)

9.-10.: Strand-Ulv - Førde VBK 2-0 (25-14, 25-18)