11. plass i G15-NM for Strand-Ulv
Med fem gutar og fire jenter i troppen, var det på det næraste eit mix-lag frå Strand-Ulv som hadde kvalifisert seg til NM. Dei blei blant anna beste lag frå Hordaland i guteklassen.
Publisert
Sist oppdatert
G15-laget til Strand-Ulv var eitt av 24 lag som deltok i årets volleyball-NM for 15-åringar. Isolert sett ikkje noko spektakulært i det, då Strand-Ulv jamleg sender lag til NM. Men årets G15-lag består av 44 prosent jenter, og ved at jentene stilte opp for G15-laget, fekk altså gutane sjansen i NM etter tredjeplass i regionsmeisterskapen.
Meisterskapen i Kristiansand starta med eit vanskeleg puljespel, og to 2-0-tap trass tette kampar. Sluttspelet og plasseringsspelet baud på fleire tette kampar, og tre sigrar og to tap seinare var øvre halvdel i NM sikra.
Annonse
– Etter mange tøffe kamper kom me på ein fin 11.plass. Me er godt fornøgde med å vera det beste gutelaget frå Hordaland. Det er ein flott gjeng å reisa på tur med, og me er heldige som har så mange foreldre som er med å hjelper til og heier oss fram, rosar trenarane Annike Nistad Ole Femsteinevik på heimesida til Strand-Ulv.
