1. divisjonsdraumen glapp for Strand-Ulv
Kvalifiseringsturneringa i Trondheim baud på kvass motstand for det unge volleyballaget.
Publisert
Sist oppdatert
Førre helg Strand-Ulv til Trondheim for å spela i opprykksturnering med fire andre puljevinnarar i årets 2. divisjon. Dei to beste i seriespelet ville sikra seg retten til å tevla i 1.divisjon i neste sesong.
Strand-Ulv møtte vertslaget NTNUI 2, Kristiansand Sandvolleyballklubb, NMBUI og Blindheim. Det vart siger mot sørlendingane, men elles vart motstanden for sterk for tenåringane.
Annonse
– Det var veldig gode lag med i kvalikspelet, så jentene fekk verkeleg noko å bryna seg på. Dei spelte utruleg godt, og sjølv om det ikkje nødvendigvis viste igjen i settsiffera, måtte motstandarane vore verkeleg jobba for poenga, fortel trenar Trine Sundfjord etter trondheimsturen.
No blir det ferie frå innevolleyballen, og jentene snur fokuset sitt meir over på sandvolleyball.
– Eg reknar med at det blir 2. divisjon på oss til hausten igjen, sluttar Sundfjord.
