Søralløpet er avlyst

Marius Tveit Nissestad

Marius Tveit Nissestad

marius@grenda.no

Publisert: 9. september 2020, 13:45

Denne helga skulle Søralløpet 2020 etter planen gått av stabelen. På grunn av koronapandemien blir det ikkje noko av.

– Med bakgrunn i den situasjonen som vi alle kjenner til, så har vi teke ei avgjersle om at vi ikkje skal arrangera noko som helst i år. Det betyr at Søralløpet, Hjortatråkket og utleige av grevehytta er lagt på is til smittesituasjonen er betre, seier leiar Geir Yven i Søral B.I.L.

I år som i fjor så hadde det av kapasitetsgrunnar uansett ikkje vore mogleg å gjennomføra skuleløpet.

– På grunn av løypetraseen og tilgang på frivillige så hadde det ikkje blitt skuleløp uansett. Men me hadde planar og eit håp om å få til Søralløpet likevel, men med bakgrunn i råd frå FHI og Hydro sine eigne restriksjonar så fann vi ut at vi skrinla alt dette året. Så håpar vi at vi skal koma sterkt tilbake neste år, seier Yven.