Solglimt årets 4H-klubb

Håvard Sætrevik

Håvard Sætrevik

haavard@grenda.no

Publisert: 11. februar 2019, 14:37

I hard konkurranse med mange andre klubbar, stakk Solglimt 4H frå Åkra av garde med heiderstittelen årets klubb for 2018.

Solglimt 4H frå Åkra var på årsmøte i Hordaland 4H i Knarvik på sundag, og der vart dei premierte som årets klubb 2018.

– Dei fem medlemmane og to klubbrådgivarane som var til stades vart gledeleg overraska. Me er ein liten klubb med berre 12 medlemmar i fjor. Premien får me for å ha god orden på økonomien, leverer inn alle papir til rett tid, mange styremøte og kjekke medlemsmøte, melder Anne-Grethe Kjærstad Berge på vegner av klubben.

I fjor skipa det driftige laget mellom anna til eldretreff for pensjonistar, grautdag for heile bygda, skihelg til Hovden, fjelltur til Vikastølen og filmkveld med pizza.