(Pressefoto)

So Far til Snikkeriet

Fredag kjem Bergensbandet So Far til Snikkeriet. Eit fullblods rockeband med nytt eigeprodusert materiale.

– Vi er såpass erfarne at publikum har rett til å forventa godt handverk, heiter det i pressemeldinga.

Artikkelen held fram under annonsen.

Per E. Rasmussen på gitar og vokal står for dei fleste av låtane. Han har operert med eigne prosjekt i om lag tre tiår. På midten av 2000-talet ga han ut plata «Rock Your Country» med Cowbender. Med frå Cowbender er òg førdianaren Eivind Roska på bass.

På sologitar har dei med hardtarbeidande Espen Lothe Hareide.

– Med eit hjarte i jazz, men begge beina i rock og blues har Hareide bidrege på eit utal prosjekt, skriv Rasmussen.

Erfarne Eyolf Nysæther er med på tangentar og vokal, og 70-talsentusiasten Asbjørn Heldal på gitar og vokal. På trommer har dei studiomann i Union Cellar, Tim Skønberg

– Vi likar variasjon og improvisasjon, så det spenner seg frå litt jazza blues til ganske rett fram rock, skriv Rasmussen i pressemeldinga.