(illustrasjonsfoto)

Snart kan du løysa bussbillett med mobilen din

Frå onsdag 1. august er du ikkje lenger avhengig av kontantar for å ta buss rundt om i kommunen. Då kan du nemleg tinga billett gjennom Skyss sin eigen mobilapp – også i Kvinnherad.

Som ein konsekvens av ei innskrenking i talet takstsoner i Hordaland, kan Skyss no tilby alle av fylket sine kollektivreisande å tinga billett gjennom appen «Skyss Billett».

Artikkelen held fram under annonsen.

– Det stemmer, og det var vel på høg tid. Men med 470 soner var det så komplekst å få til mobilbetaling at det ikkje let seg gjera. Men frå 1. august kan alle reisande i Hordaland betala bussbilletten sin med mobil, seier marknadssjef Hanne Alver Krum i Skyss.