Smell til med storslagen kulturfest

Laurdag kveld er Rosendal Samfunnshus staden å vera. Då klinkar nemleg Ohio, Rosendal skulekorps og Rosendal musikklag til med ein storslått samarbeidskonsert.

Ei god blanding av unge lovande og meir erfarne musikarar står laurdag saman på scena for å gje publikum det dei sjølv omtalar som ei sjeldan konsertoppleving.

– Dette vert bra, og det er berre til å ta turen. Eg kan lova at det kjem til å vera verd det. Dette vert ei konsertoppleving med korps som publikum aldri har opplevd før, seier leiar Martha Skeie Olsen frå Rosendal skulekorps.