Slo Leverkusen for andre gong på to veker

Marius Tveit Nissestad

Marius Tveit Nissestad

marius@grenda.no

Publisert: 11. februar 2021, 08:57

Tina Abdulla og Borussia Dortmund har verkeleg taket på Bayer Leverkusen.

Berre to veker etter at Dortmund vann 27-21 borte mot Leverkusen, tok gultrøyene to nye poeng mot laget som ligg som nummer ni på tabellen.

Men det vart ein jamn batalje i Sporthalle Wellinghofen onsdag kveld. Dei tilreisande rødtrøyene gav dei regjerande seriemeistrane kamp til døra. Då kampen var halvspelt var stillinga 17-16 i favør vertane. Tina Abdulla kom inn etter 20 minutt og stod for seks av måla, tre av dei frå sjumetersmerket.

Men sjølv om det var jamt frå start til slutt, var det Dortmund som til slutt drog i hamn sigeren og to poeng etter å ha vunne 31-29 på heimebane.

Med det kunne Tina og resten av lagvenninnene jubla for lagets 16. strake siger i Bundesligaen, dei fossar med det mot ny ligatittel. Luka ned til Bietigheim på 2. plass er no på sju poeng.

Søndag er det klart for ein ny Champions League-kamp for Tina Abdulla og Dortmund. Då tek danske Odense turen til den tyske industribyen.