Skreiv ut fire bussbeltebøter

I samband med den nasjonale busskampanjen hadde Statens vegvesen kontroll på Husnes torsdag føremiddag.

Med eit hovudfokus på bruk av belte i buss, bilbelte, dekk og lys, kontrollerte vegvesenet i alt 391 køyretøy mellom klokka 08.00 og 14.30 torsdag. 31 av dei måtte ta turen inn på kontrollplassen, som igjen førte til at vegvesenet skreiv ut ti skriftlege manglar for lys, fire for manglande førarkort, fire for å ikkje bruka bilbelte og eit for dårlege dekk.

I tillegg fekk fire busspassasjerar med seg eit førelegg for å ikkje bruka bilbelte.