Skråblikk frå Kvinnherad Senterparti
Partiet startar arbeidet med politisk program med ope møte i Uskedalen.
I ei pressemelding skriv Kvinnherad Senterparti at dei har starta arbeidet med nytt politisk program i høve kommunevalet som står neste haust. Til dette arbeidet vil dei skipa til tre opne møte, med tittelen «Skråblikk på Kvinnherad».
Artikkelen held fram under annonsen.
– Målet er å få innspel til det vidare arbeidet. Tema for dei ulike møta blir Kommunal forvaltning, Næringsliv og arbeidsplasser og Frivilligheita – kultur-, lag- og organisasjonslivet, melder Senterpartiet.
Fyrste møte vert i Uskedalen i kveld tysdag 16. oktober, hjå Elins Matgleder. Dei to andre møta vert på Husnes i november og Halsnøy i desember.
– Til det fyrste møtet i Uskedalen er Bjørn Olav Tveit, og hovudtillitsvalte i Kvinnherad kommune invitert for å sette sine skråblikk på Kvinnherad. Ein vil opne opp for spørsmål og meiningsutveksling etter innleiingane. Ein treng ikkje vera medlem av Senterpartiet, for å delta i desse møta, som er opne for alle som ynskjer å delta, melder Kvinnherad Sp, og ynskjer velkomen til interessante og positive politiske kveldar.