Skipar festival på Fjelberg
Ungdomane på Fjelberg vil arrangera sommarfestival for både unge og vaksne.
«Sankt Hans-festival i Fjelbergsund» står det på søknaden om kommunalt tilskot som Fjelberg Bygdalag har sendt til kommunen.
Artikkelen held fram under annonsen.
– Festivalen er eit ungdomsprosjekt som ungdomane på Fjelberg ynskjer å stella i stand for at det skal bli litt meir liv på Borgundøya, står det i søknaden, som Sølvi Marie Berge er kontaktperson for.
Komiteen har sett av dagane 21. til 23. juni. Festivalen skal føregå i eit telt på kaien. På dagtid vert det lagt opp til familiearrangement, medan det vert konsertar for dei vaksne om kveldane. Fredagen vil elles by på rekebord, medan laurdagen vil innehalda ulike aktivitetar og utfordringar for heile familien. På kvelden vert det laga til eit stor jonsokbål.
Festivalen vert avslutta på søndagen med tur opp til Borgundnuten. Der vert det halde ein liten konsert.