Skal fylla jordet med kjærleik også i 2019
Festidalen-gjengen feiar all tvil kring festivalen 2019 til side.
– På ny vert scena reist. På ny skal feit musikk boltra seg mellom fjella våre. Og på ny skal kvinnheringar og tilreisande samlast i deileg mylder, seier bookingsjef Daidalos Dahle i ei pressemelding.
Artikkelen held fram under annonsen.
Som i år går Festidalen av stabelen siste helga i juni, og arrangørane lovar publikum ei helg med mykje kjærleik 28.-29. juni.
– Vår form, farge og flosshatt skal ein alltid kjenna att. For sjølv om nye tankar med saft og kraft skal forma sluttproduktet; vil rock, fjell og kjærleik vera våre tre heilage bod. Og som kjend er kjærleiken størst. Difor er våre planar, tankar og mål for 2019 dynka i nettopp det – skamlaus kjærleik, heiter det i pressemeldinga.