Sjå Johannes (13) briljera på trommer i ny reklamefilm

Marius Tveit Nissestad

Marius Tveit Nissestad

marius@grenda.no

Publisert: 9. januar 2021, 13:00

Johannes Rørvik Grov frå Husnes spelar ei sentral rolle i Equinor sin nye reklamefilm for «Morgendagens Helter». Sjå videoen her!

I over 30 år har Equinor støtta unge talent som vil oppnå store ting, anten det er i klasserommet, på idrettsbanen eller på scenen. I 2006 fekk denne satsinga namnet «Morgendagens Helter». Og no startar Equinor året med ein ny reklamekampanje med bodskapen; «Framtida treng mange typar heltar».

Denne reklamekampanjen starta fredag 8. januar og vil rulla på TV-skjermane ut månaden. I filmen, som spelar Johannes Rørvik Grov frå Husnes ei sentral rolle. Han er nemleg trommeslagar i reklamefilmen sitt husband. Korleis Johannes synest det var å prøva seg som skodespelar, kan du lesa i sin heilskap her. 

– No startar vi året med ein ny reklamefilm og låta «Holding Out for a Hero» av Bonnie Tyler. Og kanskje meir enn noko gong er det nettopp det verda treng, seier kreativ leiar Henrik Ø. Habberstad i Equinor i ei pressemelding.

 

Her ser vi bandet, blant anna med Johannes Rørvik Grov på trommer, under innspeling i Oslo. Pressefoto.