Sjå den endelege ruteplanen her!
Då er det opp og avgjort kva buss-, snøggbåt- og ferjetilbod innbyggjarane i Hordaland får frå 1. januar.
Artikkelen held fram under annonsen.
– Rutetabellane for alle ferjesambanda som får nye kontraktar 1. januar og for busstilbodet som er tilpassa desse, er no klare. Skyss takkar dei involverte kommunane for god dialog i prosessen, står det i ei pressemelding som selskapet sendte ut tysdag føremiddag.
Skyss opplyser at det frå nyttår blir mange endringar i ferjetilbodet i Hordaland, i samband med at ferjene på 14 samband på fylkesvegane får nye kontraktar. Ferjene blir som kjent også skifta ut med nye og ombygde, hybridelektriske ferjer, sjølv om denne prosessen er noko forseinka.
– Elektrisk drift vil føra til litt endra rutetider som følgje av ladetid ved kai. Det er gjort eit omfattande arbeid med nye rutetider for ferjetilbodet og tilpassing av busstilbodet, ikkje minst på bakgrunn av dialog mellom Skyss og kommunane det gjeld, fortel Skyss.