Sette fair play på kartet
Sjølv om vêrgudane ikkje spelte på lag, hadde arrangørane fått på plass ei strålande ramme rundt fair play-oppgjeret mellom Trio J16 og Haugar J16 torsdag kveld.
Og dei mange frammøtte, leia an av ein flokk raudkledde heiajenter, fekk mykje å jubla over innleiingsvis. For jentene til Jarle Håvik, Jan Olav Madsgård og Tore Lillesand var verkeleg på og gneistra direkte frå avspark.
Solid opning
Artikkelen held fram under annonsen.
Etter eit stort press i opningsminutta, kjempa heimelaget seg til kampens fyrste hjørnespark. Eit hjørnespark Ida E. Stensletten og hennar presise høgrefot skrudde direkte i mål. Til ellevill jubel både frå lagkameratar og publikum.
Og berre fem minuttar seinare var kaptein og spydspiss, Sofie Lillesand, frampå. Ho kjempa til seg ballen like utanfor Haugar-feltet, drog seg forbi siste forsvarar og sat ballen kontrollert forbi den utrusande sisteskansen til blåtrøyene.
Men etter ein strålande start, med høg intensitet og fine kombinasjonar, skrudde heimelaget av brytaren dei siste 20 før sidebyte. Det utnytta Haugar som fyrst reduserte midtvegs i fyrste omgang, og utlikna like før halv tid.
Imponert
Med vinden i ryggen tok Haugar initiativet tidleg i andre omgang, og det tok berre to minutt før laget frå Haugalandet var oppe i leiinga. Etter det fortsette dei å pressa heimelaget lågt i bana, og sat den berømte spikaren i kista tjue minutt før fulltid. Utan at det sat ein dempar for festen på tribunen. Ein fest som imponerte kampvertane frå Hordaland fotballkrets.
– Det var eit heilt fantastisk opplegg. Måten Trio hadde involvert dei yngre jentelaga på, både som heiajenter og på innmarsjen var utruleg kjekt å sjå. I tillegg var det ei fantastisk ramme med både speaker, musikk, kiosksal og eit veldig bra publikum, seier leiar i fair play-komiteen i Hordaland fotballkrets, Anne Helene Vestbøstad.
Artikkelen held fram under annonsen.
Trio J16 2-4 Haugar J16 2 (2-2)
4-4-2
Celine P. Ersland
Else Lovise J. Risa
Maria Fjellandsbø
Ida E. Stensletten
Christine M. Madsgård
Hedda S. Tangstad
Artikkelen held fram under annonsen.
Cecilie Håvik
Synna H. Gjerding
Malin Blokhus
Sofie Lillesand
Julie S. Ersland
Innbytarar: Jannike Røssland, Malin Saug, Frøya A. Haugland, Aurora N. Mathisen, Ingeborg S. Hagan,
Mål
Artikkelen held fram under annonsen.
4 min: 1-0 Ida E. Stensletten
9 min: 2-0 Sofie Lillesand
25 min: 2-1
40 min: 2-2
47 min: 2-3
62 min: 2-4