Johnny Furdal kom ikkje innpå då Viking tapte 2-1 heime mot Odd søndag. (Arkivfoto)

Serieopnar mot førre sesongs sensasjon

Johnny Furdal og Viking opnar heime mot Bodø/Glimt når fotballsesongen endeleg skal sparkast i gang 16. juni.

Første serierunde i eliteserien 2020 skal spelast 16. juni. Det skjer etter at myndigheitene tidlegare denne månaden gjorde unnatak for toppfotballen under føresetnadar av at lag og spelarar går inn under eit strengt smittevernregime.

Artikkelen held fram under annonsen.

– Vi er takksame for den tilliten myndigheitene har vist oss. Seriestart i eliteserien er ikkje viktig berre for klubbane sjølv, men alle i norsk fotball, seier konkurransedirektør Nils Fisketjønn i NFF i ei pressemelding.

For Johnny Furdal og Viking betyr det at dei skal opp mot fjorårets overraskingslag, Bodø/Glimt 16. juni. Vidare er det duka for vestlandsderby i mot Brann i Bergen for fjorårets cupmeister søndag 21. juni.

Det siste oppgjeret for Viking, av dei til no tre oppsette kampane, vert heime mot Mjøndalen onsdag 24. juni.