Serieopnar borte mot studentane
Rosendal opnar borte mot BI Bergen, medan nyoppstarta Strand-Ulv sparkar i gang sesongen borte mot naboane frå Njardar/Tysnes.
NFF Hordaland har offentleggjort siste rest av terminlistene for 2018-sesongen. Og i 6. divisjon skal kvittrøyene til Trond Inge Haugland ut mot studentane frå BI Bergen i fyrste serierunde 14. april. Så kjem lag som Eikelandsfjorden, Nore Neset, Mann, Øystese 2 og Os 3 på løypande band for Rosendal. Medan dei i den 8. serierunden tek i mot ein gamal kjenning på Rosendal Stadion. Då kjem nemleg Anders Nilsen sitt Norheimsund på besøk til baronibygda.
Artikkelen held fram under annonsen.
Strand-Ulv på si side skal ta den korte turen over Lukksundet i fyrste serierunde i 7. divisjon, der skald dei måla krefter mot naboane frå Njardar/Tysnes. Nordre Fjell 2 får så æra av å vera det fyrste laget på mange år som spelar borte mot Strand-Ulv i ein seriekamp 22. april.