Sendt til sjukehus etter slåstkamp
Ein mann i midten av 20-åra vart sendt til Stord sjukehus med mogleg brot i ansiktet etter ein valdsepisode i Husnes sentrum natt til laurdag.
Like før klokka 03.00 natt til laurdag rauk to menn i hop i Husnes sentrum. Den eine, ein mann i midten av tjue åra, vart sendt til Stord sjukehus med mogleg brot i ansiktet. Medan gjerningsmannen, ein mann i slutten av tenåra vart avhøyrt av politiet.
Artikkelen held fram under annonsen.
– Vi var på staden og har teke avhøyr av den mistenkte. Er det nokon som har vore vitne til hendinga, så ynskjer vi at dei tek kontakt med oss, seier politiførstebetjent Torgeir Fosse i Kvinnherad lensmannsdistrikt.
Mannen i slutten av tenåra vart dimittert etter avhøyr same dag.