Scora to mot Fredrikstad

Tina Abdulla noterte seg for to scoringar i det som vart ein thriller av ein handballkamp mellom Tertnes og Fredrikstad.

For etter å ha gått til sidebyte med ei komfortabel 19-14-leiing i Kongstenhallen i Fredrikstad, vart Tina Abdulla og resten av Tertnes teken på senga av heimelaget i andre omgang.

Vertane heva seg fleire hakk og utlikna kjapt Tertnes si leiing. Til slutt var det heimelaget frå plankebyen som førte an, og på eit tidspunkt mot slutten av andre omgang leia dei med tre mål over dei tilreisande frå Bergen.

Men blåtrøyene til Trond Johannessen gav seg ikkje, og berre ni sekund før slutt kunne dei jubla for poeng. Då gjekk Thea Stankiewicz til vers og banka inn utlikninga og 34-34.