Scora fire i ny Dortmund-siger
Tina Abdulla kom på scoringslista fire gonger då Borussia Dortmund tok sin femte strake siger i Bundesligaen.
Berre Borussia Dortmund har vunne alle sine kampar i Bundesligaen denne sesongen. Onsdag kveld var det Frisch Auf Gøppingen som fekk pryl av gultrøyene.
Artikkelen held fram under annonsen.
Tina Abdulla entra banen då kampen var 22 minuttar gamal, og lynvingen brukte kort tid på å markera seg. Jenta frå Husnes bidrog til at Dortmund kunne gå til pause med solide 15-7 målprotokollen.
Etter sidebyte fortsette dei regjerande seriemeistrane storspelet, og dei kunne jubla for sin femte ligasiger av fem moglege etter å ha knust Gøppingen 28-17 på bortebane. Tina Abdulla noterte seg for fire scoringar i kampen, og står no med 14 nettkjenningar i Bundesligaen.
Søndag ventar det nye utfordringar i Champions League for Tina Abdulla og Borussia Dortmund, då heime mot Buducnost Podgrica.