Samla inn 793.000 kroner
Kvinnherad kommune var den kommunen i fylket som samla inn 6. mest til årets TV-aksjon.
Med ein skikkeleg kickstart på 100.000 kroner frå Hydro Husnes, vart grunnlaget til årets TV-aksjon i Kvinnherad lagt. Etter bøsseaksjonen søndag kunne aksjonskomiteen telja til 793.903 når dei talde opp den innsamla summen frå Kvinnherad.
Artikkelen held fram under annonsen.
Det er 6. mest i heile Hordaland basert på totalbeløp. Noko som vidare betyr at kvar kvinnhering gav 60,43 kroner i snitt til TV-aksjonen og CARE sitt arbeid for kvinner i utsette område av verda.
Av totalsummen på 793.903 kroner, stod kommunen sjølv for 41.820 kroner, lokalt næringsliv for 201.659 kroner, kommunen sine skular og barnehagar for 27.425 kroner, bøsseaksjonen for 340.133 kroner og posten «annet» for 98.786 kroner.