Saknar du ein kai?
I uvêret for halvanna veke sidan dukka plattingen frå ein kai opp i fjæresteinane til Ragnhild Pile i Neslia ved Rosendal.
– Hadde kaien lege på fjorden, så kunne det ført til ei alvorleg ulukke om ein båt hadde køyrd i han. Så for sikkerheits skuld har bror min fortøydd han med tau, opplyser Ragnhild.
Artikkelen held fram under annonsen.
Utifrå vindretninga er ho ganske sikker på at kaien høyrer heime i Rosendal, Omvikdalen eller Snilstveitøy. Dei som saknar kaien, er velkomne til å henta han.