Sakna kvinne funnen i live
Den sakna kvinna vart like før klokka 12 funnen i live av leitemannskap i Tveitedalen.
Det stadfestar lensmann Sigurd Børve til Grenda klokka 12.30.
Artikkelen held fram under annonsen.
– Vi fekk melding no like før klokka tolv at vedkomande vart funnen i terrenget i Tveitedalen. Ho var nedkjølt og er frakta vidare til legevakt, og vil så bli sendt vidare til sjukehus. Men ho er i live, og det er det viktigaste av alt, seier Børve.
Det var søndag kveld klokka 20 at politiet i Kvinnherad fekk melding om ei kvinne i 50-åra som ikkje var komen heim frå ein tur i området Tveitedalen.
Det vart straks iverksett søk med både helikopter, redningshundar, frivillige og Røde Kors. Eit søk som fortsette måndag morgon.