Så tok også jentene bronse!
Det er nesten ikkje til å tru! No har også jentene til Halsnøy vunne bronse, og dermed vann alle tre laga frå Kvinnherad sine bronsekampar fredag føremiddag.
Halsnøy sine jenter 15/16 år (7-ar fotball) møtte Bjerkvik i dagens bronsefinale. Etter full tid stod på 0-0 på den dårlege banen. Halsnøy hadde eit lite overtak inn i ekstraomgangane, då motstandaren fekk ein spelar utvist. Og på golden goal tok jentene sigeren.
Det må seiast å vera fullt fortent, for før finalen hadde jentene spelt sju kampar og hadde 18-1 i målskilnad.
Artikkelen held fram under annonsen.
Dermed har Halsnøy sikra seg to bronsemedaljar i A-sluttspelet i Norway Cup. Det er fantastisk sterkt, med tanke på at klubben berre hadde desse to laga med i turneringa. Vi gratulerer spelarar, klubb og lagleiarane Jarle Hvidevold og Monica Hansen.