Glenn Lyse er eit av trekkplastera til årets Rosendal Fest. (Pressefoto)

Rosendal Fest fire dagar til ende

Neste helg byr Snikkeriet på ein firedagars musikalsk fest.

Onsdagen startar med 70-talsfest, med Zhe Birzday Boyz, eit band som truleg rettast vert uttala med tysk tilnærming til engelsken.

Artikkelen held fram under annonsen.

– Det blir imaginære slengbukser, demonstrasjons-nostalgi og rock med analogt tilbehøyr, samt romantisering av enklare tider, lovar Eli Kvalvågnes på vegne av musikarane.

Bandet består av Roger Dalland på gitar og song, Bjarne Øymyr på piano og synthesizer, Per Bråtun på og Tor Øystein Havnerås på trommer.

Repertoaret til bursdagsgutane er eigne tolkingar av Deep Purple, Jimi Hendrix, Pink Floyd, Eric Clapton og Neil Young blant anna.

 

Stavangerkamerat

Torsdagen er sett av til køntri-pubjam, med breitt utval frå sjangeren sin lange og trufaste historie. Dagen etter er Bergen Blues Band samla igjen. Bandet starta i 1974, og var populære både på 70- og 80-talet. Gjengen som kjem til Rosendal er John Magnar Bernes (vokal/munnspel), Ole Thomsen (gitar), Aril Seim (gitar), Atle Mjørlaug (bass) og Willy Korneliussen (trommer).

Laurdag 1. juni er sett av til rosina er Rosendal-pølsa. Glenn Lyse, kjent både som Idol-vinnar i 2007 og som hovudperson bak suksessbandet «Stavangerkameratene», der han har laga mesteparten av det bandet har gitt ut.

Under konserten på Rosendal Fest har han med seg lokale Anders Kristensen, og dei lovar ein eksplosiv, personleg og dynamisk konsert. Dei to kameratane spelar mykje musikk frå Motown-tida ,men også populære låtar frå nyare tid.