Rorbu i Skålafjøro
Laurdag blir det rorbustemning med Arne Torget som bas.
Artikkelen held fram under annonsen.
Det vert lova god stemning, mykje lått, løye og ramsalte musikalske innslag når Arne Torget med gjester inntar scenen på Skutefesten laurdag kveld. Dei du får sjå og høyra er blant andre Gunnar Våge, Gina Aspenes, Oddgeir Røssland, Olav Skorpen, Tor Øystein Havnerås, Eli Kvalvågnes, Gøril Skeie Sunde, Atle Fredheim og Anders Kristensen.
Gjengen byr på allsong og ein svingom til musikk av Kleppevik og Ivar Medås.
Etterpå byr Sons Of Vanity opp til dans. Dei avslutta ein fantastisk festivalsommar med ein konsert på Countryfestivalen Seljord. Bandet spelar rocka country, americana og folk rock.
– Det er twangy gitarar, herlege harmoniar og rasande rockefot. Skikkelig Nashville-musikk frå Vestlandet og på Strilavis, lovar Eli Kvalvågnes.