Styre og utval

I ein kommune har ein fleire forskjellige organ som jobbar med forskjellige sakar.

Kommunestyret er det største organet i ein kommune, og det er dei som har endeleg avgjersle. Eit kommunestyre blir valt under det som kallast kommunestyre- og fylkestingsval. Kor mange som sit i eit kommunestyre varierer frå kommune til kommune, og kjem an på folketalet i kommunen. I Kvinnherad er det 35 representantar til styret. Representantane blir velt gjennom at kvart parti stiller med ei liste, og så stemmer ein på dei ein vil ha i kommunestyret.

Arbeiderpartiet har ein regel om at dei to øvste på listene SKAL inn i styret, medan andre parti har andre eller ingen regler for kven på lista som kan stemmast inn.

Formannsskapet er under kommunestyret og består av ni medlemmar som er valt av og blant kommunestyremedlemmar. Formannsskapet har fleire lovpålagde oppgåver og skal i tillegg til desse ha hovudfokus på utvikling av kommunen. Saker som om nokon skal få skjenkjeløyve, fordeling av midlar, budsjettrevisjon og liknande kjem opp i formannsskapet, og det er desse ni medlemmane som avgjer dette.

Valstyret er eit lite styre på fem medlemmar som har ansvar for gjennomføring av kommunestyre- og folketingsval, stortingsval og andre folkerøystingar. Ordføraren er leiar for valstyret.

Utval

Forvaltningsutvalet består av 7 medlemmar som er valde av kommunestyret for fira år. Forvaltningsutvalet skal handsama, gjera vedtak og gi innstilling til kommunestyret i sakar som er av prinsipiell karakter, dette vil seie sakar som kan ha spesielle konsekvensar eller verdi. Utvalet fokuserer mest på sakar og løyve som gjeld privatpersonar eller private bedrifter og liknande. Det er mykje byggeløyve og deling av eigedom. Dei behandlar også private forslag til reguleringsplanar, tildeling av fellingsløyve for vilt og stadnamnsakar, i tillegg til klagar.

Plan-, teknikk- og miljøutvalet har også 7 medlemmar som er valde av kommunestyret. På same måte som forvaltningsutvalet handsamar dei sakar av prinsipiell karakter, men for plan-teknikk- og miljøutvalet går det meir i kommuneplanar, utbyggingsavtaler, utbygging, infrastruktur, miljø, klima og energisaker.

Levekårsutvalet har 7 medlemmer og handsamar sakar som gjeld resultatvurdering på brukarsida, oppfølging av kommunen sin klima- og miljøpolitikk,

Administrasjonsutvalet har 5 medlem, der tre er politisk valte og to er arbeidstakarrepresentantar. Utvalet har i oppgåve å handsama saker som gjeld arbeidsgjevarpolitikk og tilhøva mellom kommunen som arbeidsgjevar og dei tilsette.

Investeringsutvalet består av 5 medlem. Desse forvaltar Kvinnherad kommune sitt kraftfond, og sal av kommunen si konsesjonskraft.

Eigarskapsutvalet i Kvinnherad vart oppretta i 2020, og er dermed det nyaste utvalet i Kvinnherad. Dei skal laga retningsliner for eigarskapsstrategien i aksjeselskap der kommunen sit med majoriteten av aksjane, det vil seie det kommunen eig. Utvalet består av ordførar, varaordførar og representant for det største opposisjonspartiet. Næringssjefen er sekretær.

Klageutvalet skal ha 3 medlem som også sit i kommunestyret. Utvalet er klageinstans for enkeltvedtak gjort av kommunale forvaltningsorgan. Det vil seie at det er desse som handsamar klagar på vedtak.

Kontrollutvalet har 5 medlemmer, og er kommunestyret sitt eige kontroll- og tilsynsorgan. Kommunestyret vel kven som sit i kontrollutvalet, og minst eit av medlemmane må vere i kommunestyret. Medlemmane kan ikkje sitta i andre politiske utval. Kontrollutvalet har som oppgåve å sjå til at økonomi, produktivitet og oppnåing av mål i kommunen vert systematisk gjennomgått. Dei skal sørgja for at rekneskap vert revidert på ein god måte, at forvaltninga av kommunen sine interesser i selskap og liknande vert kontrollert og at økonomien vert forvalta godt.

Styre og råd

Styre for næringsfondet har ni medlem som har ansvar for å forvalta avkastninga av fondskapitalen frå SKL i samband med kraftkonsesjonar ved utbygging av Blåfalli 1.

Ungdomsrådet er eit råd for og med ungdommar. Kommunestyret vel kor mange og kven som skal vera med. Ungdomsrådet vel styre og fordeler roller på sitt fyrste rådsmøte. Rådet har rett til å uttala seg om sakar som gjeld ungdom.

Rådet for menneske med nedsett funksjonsevne er eit råd som skal arbeida for at dei med nedsett funksjonsevne vert sikra ei open, brei og tilgjengeleg medverknad i arbeidet med saker som er spesielt viktige for dei. Rådet kan ta opp saker som vedkjem dei med nedsett funksjonsevne, men kan ikkje jobba med saker som gjeld enkeltpersonar. Rådet har fem medlemmer, der ein er politikar og fire er menneske med nedsett funksjonsevne.

Eldrerådet har fem medlem, der eit av dei er politikar og resten er valde frå organisasjonar for dei eldre. Rådet skal handsama alle saker som gjeld levekåra for eldre i kommunen som skal opp i politiske organ som kommunestyret og formannskap. Eldrerådet kan ta opp sakar som gjeld eldre i kommunen, men kan ikkje jobba med sakar som gjeld enkeltpersonar.