Regjeringa forlenger permitteringsperioden

Marius Tveit Nissestad

Marius Tveit Nissestad

marius@grenda.no

Publisert: 11. januar 2021, 16:24

Regjeringa foreslår å forlenga permitteringsperioden til 1. juli. Retten til dagpengar vert også forlenga for alle dagpengemottakarar.

Verksemder som når maksimal permitteringsperiode på 52 veker i løpet av våren får no moglegheita til å ha arbeidstakarane permitterte fram til 1. juli. Det skriv regjeringa i ei pressemelding.

– Enkelte verksemder som har permitterte tilsette i dag har gode moglegheiter for å henta dei tilbake seinare, sjølv om behovet for bemanning er redusert i ein periode. Med denne forlenginga sørger vi for at verksemder ikkje må gå til oppseiing kort tid før jobbane kan koma tilbake som resultat av at vaksineringa av befolkninga vert gjennomført, seier arbeids- og sosialminister Henrik Asheim.