Rakk ikkje å svara på spørsmåla

Morten Nygård

Morten Nygård

morten@grenda.no

Publisert: 22. februar 2021, 14:30

Kommunestyremøtet varte så lenge, at ein til slutt måtte avlysa spørsmålsrunden.

Til torsdagens møte var det meldt inn ein god del spørsmål. Are Traavik (Sp) ynska svar på spørsmål om pasientreiser på Hatlestrand/Ølve, og Ove Lemicka (Frp) ville ha informasjon om teiknefilmen som kommunen har laga om skulestrukturen. I tillegg var det varsla spørsmål frå Vibeke Fredheim (Ap), Øyvind Utne (H), Hege Lægreid Røssland (SF), Hanne Kristensen (H) og Silvia Tofte (H).

Men då klokka var passert 22.30, etter at møtet hadde vart i 6,5 timar, føreslo ordførar Hans Inge Myrvold (Sp) å droppa spørsmålsrunden. Han føreslo heller at han kunne samla alle spørsmål og svar i eit notat og senda ut på måndag (i går). Det var alle samde i.

– Mitt spørsmål kan eg ta på neste møte. Det er ikkje noko som hastar, og eg vil heller ta det når folk er vakne og høyrer etter, opplyste Silvia Tofte.