Rådmannsaka vert lukka
Saka om sluttavtalen til rådmann Odd Ivar Øvregård går no for lukka dører i kommunestyresalen. Ordføraren bad rådmannen, pressa og alle som ikkje skulle delta i debatten om å forlata salen og gå ned i ein annan etasje enn kommunestyresalen.
Det første som skjedde på kommunestyremøtet var at ordførar Peder Sjo Slettebø (H) bad advokat Bjarte Døssland gjera greie for om møtet skulle lukkast eller kunne haldast ope.
- Jamfør kommunelova paragraf 31, som gjeld tenesteforhold, må møtet lukkast, sa Døssland.
Artikkelen held fram under annonsen.
Gaute Lund (SF) stilte spørsmål om ein kunne diskutera prosessen for opne dører og lukka dørene når ein diskuterte sluttavtalen. Døssland sa at dette hadde han sjekka, og var tydeleg på at ein ikkje hadde høve til å splitta opp saka, og at det også ville by på store, praktiske utfordringar.
Etterpå vart det samrøystes avgjort å lukka møtet, og ordføraren bad rådmannen, pressa og andre som ikkje skulle vera med på diskusjonen om å forlata salen, og bad dei også om å forlata etasjen og finna ein annan stad å sitja under diskusjonen.