Ping Floyd til Snikkeriet

Eli Kvalvågnes og Snikkeriet lovar eit fantastisk show når tribute-bandet Ping Floyd inviterer til konsert laurdag kveld.

Bergensbandet, som vakna til liv under namnet The Great Gig i 2006, vart fire år seinare revalitisert som Ping Floyd – «The norwegian Pink Floyd tribute band». Bandet består av åtte medlemmer, og har to personar i den tekniske staben for å gje publikum eit show frå scena dei seint vil gløyma.

Og sjølv om det ikkje er David Gilmour, Roger Waters, Richard Wright og Nick Mason som blir å sjå på scena i Rosendal, lovar bandet å gjera sitt for å fylla Snikkeriet med stemning i Pink Floyd si ånd.

– Dei har eit veldig kult show og ei framføring som er ganske autentisk. Vi hadde besøk av dei i fjor også, og då var publikum vilt begeistra, seier Eli Kvalvågnes, som fortel at det tek tre timar berre å rigga til lysanlegget til Ping Floyd.