Pengar til nyfødd-samling

Etter ein idé frå fungerande ordførar Hilde Enstad (Ap) bestemte eit samrøystes formannskap at kommunen skal arrangera ei nyfødd-samling snarleg.

Det vart sett av 75.000 kroner til føremålet. Målsetjinga med arrangementet er mellom anna: Å ynska nye verdsborgarar velkomne som kvinnheringar, gjera stas på ei gruppe innbyggjarar som er viktige for vekst, utvikling og for framtida til Kvinnherad, og å presentera Kvinnherad for foreldra og kva tilbod ein har som kan vera aktuelle for små born.