Passasjer falt ned trapp

OPPDATERT: Brannvern og politi rykte ut til Gjermundshamn onsdag føremiddag etter at ein passasjer falt ned ei trapp om bord ferja.

Morten Nygård

Morten Nygård

morten@grenda.no

Publisert: 12. september 2018, 11:26

Det var klokka 10.43 politiet fekk melding om at ein mannleg passasjer hadde falt ned ei trapp om bord «Etne», som trafikkerer sambandet Gjermundshamn-Årsnes.

– Den fyrste meldinga gjekk ut på at personen var livlaus. Klokka 10.50 fekk vi beskjed om at vedkomande var vaken og reagerte på tilsnakk, opplyser operasjonsleiar Morten Rebnord ved Vest Politidistrikt.

Då Grenda var i kontakt med operasjonssentralen klokka 11.10, venta ein på ambulansebåt frå Sunde. Brannmannskap og politi var då om bord i ferja. Kring klokka 11.25 kom også ambulansebåten fram.