På hovudet ut av vinterserien

Marius Tveit Nissestad

Marius Tveit Nissestad

marius@grenda.no

Publisert: 9. mars 2020, 17:00

Ein rådlaus fyrste omgang utan konsentrasjon og vilje frå Trio-mannskapet, sørga for at gjestane frå Nymark avgjorde sluttspelskampen på Kvednabekkjen før sidebyte søndag.

Søndag ettermiddag tok Trio i mot Nymark til første sluttspelkamp i årets vinterserie. Det vart også den siste for vertane sin del.

– Det gjekk ikkje så bra, nei. Men alt i alt så var det ikkje så gale heller, seier Trio-trenar Aleksander Ekeland.

For etter ein god omgang med pryl, der Nymark putta fire ballar i nettet bak Torstein Olderkjær, løfta raudtrøyene seg betrakteleg etter sidebyte.

– Vi var rådlause, mangla konsentrasjon og viste liten vilje til å vinna duellane i fyrste omgang. Men vart einige om å skru på i andre omgang. Det resulterer i at vi løftar oss mange hakk og at vi vinne andre omgang 3-1, seier Aleksander.

Eivind Saghaug scora alle tre måla for heimelaget, som til slutt tapte 5-3 og med det har sparka sin siste ball i årets vinterserie.

– Då er vi ute. Utan at det er noko krise. Vi vil prøva å få på plass ein treningskamp i midten av denne månaden, så er vi klare til sesongstart, seier Aleksander, som også kunne fortelja at forsvarsbauta Åsmund Voster har bestemt seg for å gå på ein ny sesong med Trio.

Trio 3-5 Nymark (0-4)

433

Torstein Olderskjær

Isak R. Mo

Håvard Haga

Sander S. Lillesletten

Anders E. Bjørnebøle

Eivind T. Saghaug

Martin Arnesen

Marcus H. Såtendal

Mats Jørgensen

Kenneth T. Gjuvsland

Nikolai B. Mayer

Innb.: Christer Olderkjær, Brynjar H. Gjerding, Ruben Saug, Trond M. Helgesen og Even Fagertveit.

 

9 min: 0-1

17 min: 0-2

27 min: 0-3

44 min: 0-4
49 min: 1-4 Eivind Saghaug

55 min: 2-4 Eivind Saghaug

59 min: 2-5

84 min: 3-5 Eivind Saghaug