Ordføraren svarar næringslivet
Kvinnherad kommune og Kvinnherad Næringsservice inviterer næringslivet til eit nettmøte med ordførar Hans Inge Myrvold.
1. april arrangerer kommunen og KNS eit nettmøte der næringslivet får sjansen til å stilla dei spørsmåla dei måtte ha på hjarta, så skal ordførar Hans Inge Myrvold svara etter beste emne.
Artikkelen held fram under annonsen.
Kva kan kommunen gjera? Kva kan Kvinnherad Næringsservice gjera? Kva kan bedriftene gjera? Det er spørsmål arrangørane stiller seg i invitasjonen.
– Skriv spørsmålet ditt i kommentarfeltet under, så vil ordføraren svara direkte her på onsdag 1. april, står det å lesa på KNS sine Facebook-sider.
Næringssjef Grete Solheim og prosjektkoordinator i KNS, Kristine Røyrvik, deltek også på møtet.