Ordføraren rosar innsatsen
Peder Sjo Slettebø har skrive i ei helsing til dei som jobba for å berga MF «Hordaland» då ferja byrja å ta inn vatn.
– I dag kjenner eg at eg er stolt av folk og tilsette i Kvinnherad kommune. Det vart svært dramatisk i morgontimane då ferja mellom Årsnes og Varaldsøy trefte land og tok inn mykje vatn. Til alt hell kom ferja seg til kaien og fekk folk på land. Om bord var nokre tilsette frå teknisk sektor i kommunen. Disse trødde til i situasjonen som oppstod.
Denne gongen gjekk det bra. Mange skal ha takk for det. Hendinga og beredskapen skal evaluerast av involverte partar. Eg er svært glad alle om bord kom uskadd frå det, men det er ei hending som set ein støkk i oss alle.
Artikkelen held fram under annonsen.
No vil eg takka alle som bidrog i denne situasjonen. Gode folk! sluttar ordføraren med.