Opnar golfbanen igjen

Marius Tveit Nissestad

Marius Tveit Nissestad

marius@grenda.no

Publisert: 2. april 2020, 09:50

Kvinnherad Golfklubb har vedteke å opna golfbanen på Husnes igjen.

– Då er rangen open og banen opnar torsdag morgon, står det å lesa på Kvinnherad Golfklubb si Facebook-side.

Som så mykje anna i landet, stengte også golfbanen på Husnes ned 14. mars som følgje av koronapandemien. I fyrste omgang skulle banen haldast stengt fram til 26. mars, men stenginga vart utvida då regjeringa bestemte seg for å vidareføra alle smitteforebyggjande tiltak.

Men då det onsdag vart klart at enkelte idrettsstadar igjen kunne opna for forsiktig bruk, bestemte Kvinnherad Golfklubb seg for å opna banen igjen frå og med torsdag 2. mars.