Opnar gangveg i Neslia

Måndag kveld opnar den universelt utforma gangvegen i Neslia i Rosendal.

Friluftsrådet, Sparebank-1 stiftinga Kvinnherad og andre som har gitt midlar til stien er inviterte til opninga, som varaordførar Hans Inge Myrvold skal stå for. Vegen er open for kven som helst, er bortimot ein liten kilometer lang og snor seg som ein strandpromenade gjennom friområdet framfor byggjefeltet i Neslio. Området skal seinare vidareutviklast med gapahuk, benker og trimstativ, medan vegen allereie er teken i bruk.