Open gard i Omvikdalen

NM i gjetarhund er ikkje det einaste som skjer i Omvikdalen denne helga. Laurdag vert det også open gard i Sandvikjo.

– Her vert det kyr og sau, hopping i høyet og kanskje ein natursti. Det vert mykje likt det vi plar å arrangera, seier Kjetil Mehl.

Den opne garden vert skipa til annakvart år, og har for vane å bli gjennomført i august.

– Men i år gjer vi det annleis. Sidan NM i gjetarhund vart lagt til Omvikdalen, bestemte vi oss for å leggja den opne garden til same helga. Så her vert det kort avstand frå Dalheim til arenaen og bort til garden til Øyvind Sandvik og Tore Eikeland, seier Kjetil Mehl.